بچوں میں بخار کے بارے میں عام سوالات (Common questions about fever in children)
کیا مجھے اپنے بچے کے بخار کے متعلق فکرمند ہونا چاہیے؟ (?Should I be worried about my child’s fever)
اگر آپ کے بچے کو بخار ہے تو پریشان ہونا نارمل ہے۔ تاہم، زیادہ تر بخار ایسے انفیکشنز کی وجہ سے ہوتے ہیں جو خود ہی ٹھیک ہو جاتے ہیں اور انہیں مخصوص علاج کی ضرورت نہیں ہوتی۔ بہت چھوٹے بچے اس سے مستثنیٰ (exempt) ہیں۔ اگر آپ کے بچے کو ایک ماہ سے
کم عمر میں بخار ہو تو اسے ہسپتال لے جانا چاہیے؛ اگر آپ کے بچے کو تین ماہ سے کم عمر میں بخار ہو تو ڈاکٹر یا ہیلتھ پروفیشنل سے ملیں۔
آپ اپنے بچے کو سب سے بہتر جانتے ہیں۔ ان کی عمر کچھ بھی ہو، اگر وہ بہت بیمار لگیں اور آپ پریشان ہوں، تو ڈاکٹر سے بات کرنا سب سے بہتر ہے۔
میرا بچہ بخار کے ساتھ کچھ کھا پی نہیں رہا ہے۔ مجھے کیا کرنا چاہیے؟ (?My child is not eating or drinking with a fever. What should I do)
جب بچوں کو بخار ہوتا ہے تو ان کی بھوک ختم ہوجانا عام بات ہے۔ یہ عام طور پر کوئی مسئلہ نہیں ہے، جب تک کہ وہ مائع پیتے رہیں تاکہ پانی کی کمی نہ ہو۔ اگر آپ کا بچہ چھ ماہ سے کم عمر کا ہے، تو اسے
ماں کا اضافی دودھ یا زیادہ کثرت سے بوتل کا دودھ پلائیں۔ آپ انہیں اورل ری ہائیڈریشن محلول (ORS) بھی دے سکتے ہیں۔ اگر آپ کا بچہ چھ ماہ سے زیادہ عمر کا ہے، تو آپ اسے پانی، پانی میں ملا ہوا سیب کا جوس، یا اورل ری ہائیڈریشن محلول (ORS) دے سکتے
ہیں۔
اگر آپ کا بچہ صرف پانی پی رہا ہے، تو آپ اسے کچھ سادہ غذائیں دیں جیسے پھل یا کریکرز (نمکین بسکٹ)۔ اس سے انہیں مزید توانائی ملے گی۔
اگر وہ قے کی وجہ سے کچھ نہیں پیتا یا کھانے پینے کی چیزوں کو اندر نہیں رکھ سکتا تو کسی ڈاکٹر یا ہیلتھ پروفیشنل سے بات کریں۔
بخار عام طور پر کتنی دیر تک رہتا ہے؟ (?How long does a fever typically last)
زیادہ تر بخار، بخار ہونے کی وجہ کے لحاظ سے، ایک ہفتے کے اندر ٹھیک ہو جاتے ہیں۔ تاہم، اگر آپ کے بچے کو دو دن سے زیادہ بخار رہے – خاص طور پر اگر اس میں دیگر پریشان کُن علامات ظاہر ہوں – تو صحت کے ماہرین اکثر ڈاکٹر سے بات کرنے کا مشورہ دیتے ہیں۔
کیا یہ سچ ہے کہ بخار میں بھوکا رہنا چاہئے؟ (?Is it true that you should starve a fever)
یہ پرانی کہاوت کہ 'بخار میں فاقہ کرنا چاہیے' ایک غلط خیال ہے۔ جب آپ کے بچے کو بخار ہو تو پینے کی چیزوں پر توجہ دینا اہم ہے، لیکن ان کا ٹھوس خوراک کھانا بھی ٹھیک ہے۔
کیا میں اپنے بچے کو ایک ہی وقت میں پیراسیٹامول اور آئبوپروفین دے سکتا ہوں؟
(?Can I give my child paracetamol and ibuprofen at the same time)
عام طور پر بخار میں مبتلا بچے کے لیے پیراسیٹامول یا آئیبوپروفین میں سے کوئی ایک ہی کافی ہوتا ہے۔ تاہم، ضرورت پڑنے پر دونوں کو بیک وقت دینا، یا دوائیوں کے پیک کی ہدایات کے مطابق، ایک کے بعد دوسری دینا محفوظ ہے۔ گر آپ اپنے بچے کو پیراسیٹامول
اور آئیبوپروفین دونوں دے رہے ہیں، تو یقینی بنائیں کہ آپ خوراک (doses) اور انہیں دینے کے وقت کا ریکارڈ رکھیں۔ اگلی خوراک کب دینی ہے، اس کی یاد دہانی کے لیے فون پر ٹائمر سیٹ کرنا بھی مددگار ہو سکتا ہے۔
کیا دانت نکلنے کی وجہ سے بخار ہو سکتا ہے؟ (?Can teething cause a fever)
جن بچوں کے دانت نکل رہے ہیں ان کا درجہ حرارت 38 ڈگری سینٹی گریڈ تک ہو سکتا ہے۔ 38 ڈگری سینٹی گریڈ سے زیادہ درجہ حرارت دانت نکلنے کی وجہ سے نہیں ہوتا ہے آپ کے بچے کو غالباً کوئی انفیکشن ہے۔ یہ محض اتفاق ہو سکتا ہے کہ آپ کے بچے کے دانت بھی نکل
رہے ہوں اور اسے انفیکشن بھی ہو، کیونکہ دونوں ہی چھوٹے بچوں میں بہت عام ہیں۔
درد سے آرام کی دوا کے بعد بھی میرے بچے کو بخار ہے۔ کیا مجھے فکر کرنی چاہیے؟
(?My child still has a fever after pain relief medicine. Should I be worried)
اگر آپ کا بچہ بہتر محسوس کر رہا ہے اور اس کی دیگر علامات میں بہتری آئی ہے، تو اس کے بخار کے بارے میں فکر کرنے کی ضرورت نہیں ہے۔ پیراسیٹامول اور آئیبوپروفین سے ضروری نہیں کہ بخار ختم ہو جائے؛ یہ دوائیں دینے کی وجہ یہ ہے کہ آپ کا بچہ بہتر محسوس
کرے۔
اگر آپ کے بچے کو دو دن سے زیادہ بغیر کسی بہتری کے بخار رہے، یا اگر آپ فکرمند ہیں کہ وہ بہت زیادہ بیمار لگ رہا ہے، تو آپ کو اپنے بچے کے ڈاکٹر سے بات کرنی چاہیے۔
کیا میں اپنے بچے کو بخار کے لیے اسپرین دے سکتا ہوں؟ (?Can I give my child aspirin to help with a fever)
اپنے بچے کو کبھی بھی اسپرین نہ دیں جب تک کہ اس کے ڈاکٹر نے خاص طور پر تجویز نہ کیا ہو۔ یہ ایک خطرناک لیکن شاز و نادر ہونے والی بیماری کا باعث بن سکتا ہے جسے Reye syndrome کہتے ہیں۔
میں اپنے بچے کو بہتر محسوس کرنے میں مدد کرنے کے لیے کون سے قدرتی علاج کا استعمال کر سکتا ہوں؟
(?What natural remedies can I give my child to help them feel better)
ڈاکٹر کے مشورے کے بغیر بچوں کے لیے قدرتی علاج تجویز نہیں کیے جاتے۔ آپ کے بچے کو جلدی ٹھیک ہونے کے لیے وٹامنز کی ضرورت نہیں ہے۔
بخار کی صورت میں میرے بچے کو کتنے عرصے تک سکول یا چائلڈ کیئر سے گھر رہنا چاہیے؟
(?How long should my child stay home from school or childcare with a fever)
آپ کا بچہ جب بہتر محسوس کرنے لگے اور اس کی علامات بہتر ہو جائیں اور ڈاکٹر نے منع نہ کیا ہو، تو وہ سکول واپس جا سکتا ہے۔