A biapimi pawl (Key points)
- Mawttaw in khual tlawn lioah a fakmi hliamhma putnak in na fa runvennak kha mawttaw tthutdan pawl le tthawntertu tthutdan pawl nih a bawmh.
- Ngakchia pawl a si khawh chungin him tein chiah dingin mawttaw tthutdan pawl caah a tthabik tuahsernak lei duhpiakmi pawl an um. Hi duhpiakmi pawl cu upadi he aa khat zungzal lo.
- Na fa caah a him bikmi mawttaw phun asilole tthawntertu tthutdan phun kawl kha a biapi.
- Ngakchia pawl le ngakchia no pawl cu hnulei a hoihmi mawttaw tthutdan ah an him bik. Na fa cu aa rem chung paoh cu hnulei a hoihmi ah a um awk a si – a ningkhan ahcun kum hnih in kum thum tiang.
- Liang i hmahthahnak tuahmi pawl cu mawttaw asilole tthawntertu tthutdan ah na fa a him maw him lo asilole a tthang deuh cang maw timi chek dingah a tthami lam pakhat a si.
- ‘Dot 5 in hneksaknak’ cu na fa caah upa taisawm he lawng khuatlawn dingin a him maw him lo tiah a chekmi biahalnak pawl a si. Na fa nih tthawntertu tthutdan loin a him ko tiah ruah dingah a dot nga dihlak in a awng hrimhrim lai.
- Ngakchia a tam-u nih kum hra in kum hleihnih an si hlan ‘dot 5 hneksaknak’ an awng lai lo.
Zeiruangah mawttaw le tthawntertu tthutdan pawl cu an biapit tuk? (Why are car and booster seats so important?)
Lam kahnak pawl cu Australia ah ngakchia kum 15 tang khondennak lei thihnak a chuahter bik an si. Victoria ah kum fatin mawttaw i pahnak ah ngakchia a za in an i tel. Mawttaw i pah lio ah, ngakchia i a fakmi hliamhma putnak lei ttihnunnak cu tampi a sangdeuh,
hi tin an um ahcun:
- mawttaw chung ah khamlo in (mawttaw tthutdan, tthawntertu tthutdan tthut lo asilole upa taisawm i sawmh lo)
- a dik ningin kham lo (mawttaw chung tthutdan asilole tthawntertu tthutdan ch anmah hmetngan caah aa tlak lo)
- mawttaw a hmailei tthutdan ah tthut in khuatlawnnak.
Mawttaw le tthawntertu tthutdan pawl nih mawttaw in khual tlawn lio ah a fakmi hliamhma putnak in na fa kha an kham khawh. Hihi an tuah, hihi hmangin:
- an tthutdan ah na fa kha himternak
- na fa i a lu, hngawng le takpum runven dingah i pahnak i hnorsuanmi laknak lei bawmhnak
- na fa kha a hngawng le a paw si loin a liang le a tai tibantuk a fekmi ruh cungah aa hngatmi hri pawl he hrennak.
Na fa cu a hmetnga caah aa tlakmi mawttaw tthutdan asilole tthawntertu tthutdan ah a zungzal na umter awk a si – caan tawite mawnghnak a si zong ah. A aa tlakmi tthutdan kha aa dangmi mawttaw pawl ah aa thleng kho men.
Ka fa caah zeibantuk mawttaw tthutdan asilole tthawntertu tthutdan dah a ttha bik? (Which car or booster seat is best for my child?)
Ngakchia mawttaw tthutdan le tthawntertu tthutdan hi a tlangpiin phun thum ah tthen an si:
- Hnulei hoih in a ummi ngakchia mawttaw tthutdan
- Mawttaw hnulei a hoihmi
- Keng, lu le hngawng a dirhthohmi
- Bunhmi hri a ngei.
- Hmailei a hoihmi ngakchia mawttaw thutdan
- Mawttaw hmailei a hoihmi
- Keng, lu le hngawng a dirhthohmi
- Bunhmi hri a ngei.
- Tthawntertu tthutdan
- Mawttaw hmailei a hoihmi
- Keng, lu le hngawng a dirhthohmi
- Bunhmi hri a ngei lo ahcun – upa taisawmh hmang.
Na fa nih amah pum hmetngan he aa tlakmi khamnak he khual a tlawn peng awk a si, a kum he aa keih si loin. Na fa kha a dang khamnak phun ah rang tuk in tthial hlah – kumkhua hrambunh upadi pawl nih a onh zongah.
Ngakchia mawttaw khamnak pawl thlennak (Changing child car restraints)
Na fa kha a dang mawttaw khamnak phun ah ttuan tuk in tthialternak nih mawttaw i pahnak ah a fakmi hliamhma putnak asilole thihnak lei ttihnunnak a tamter.
Australia mawttaw khenkhamnak upadi a tam-u pawl cu kumkhua cungah an hngatmi an si. Sihmanhsehlaw, Royal Ngakchia Siizung (RCH) nih fak piin ruahnak a cheuhmi cu a him bikmi khamnak pawl caah lamhmuhsaknak pawl ram pumpi huap thiamsang pawl nih zulh
le a kumkhua nakin a hmetngan he aa tlakmi khamnak thim kha a si. A hmetngan hrambunh in duhpiakmi pawl nih na fa kha mawttaw tthutnak pakhat ah saudeuh a chiah lai asinain him deuh in a chiah ve lai.
A ngan deuhmi ah a tthial hlanah na fa nih a mawttaw tthutdan asilole tthawntertu tthutdan a ngantaak hlan tiang hngak. Cu hnu ah, na fa atu lio khamnak phun chung i thimnak khawhmi vialte kha adang phun i aa tthial hlanah hneksak dih. Tahchunhnak ah,
na fa kha tthawntertu tthutdan i aa tthial hlan ah a ngandeuhmi mawttaw tthutdan kawl.
Atu lio upadi pawl le Victoria chungah mawttaw le tthawntertu tthutdan pawl duhpiakmi rel dingah Tlunkalnak Victoria website ah zoh.
Hnulei a hoihmi mawttaw tthutdan (Rearward-facing car seat)
Na fa cu a chuahka in hnulei hoih in mawttaw tthutdan asilole capsule ah a um hrimhrim lai. Hi khamnak nih hin khualtlawn lio ah an lu le an hngawng a dirhthoh hna i an pum cung i pah nih a chuahpimi thil kha tampi a zorter.
Hnulei a hoihmi mawttaw tthutdan phun tampi an um, bawhte capsule pawl le fonhmi mawttaw tthutdan pawl tibantuk, cu hna cu hnulei a hoihmi in hmailei a hoihmi ah an i thleng.
Khualtlawnnak paoh ah hnulei a hoihmi mawttaw tthutdan asilole capsule hri kha na remh awk le na hren awk a si.
Hmailei a hoihmi mawttaw tthutdan ah i tthial caan (When to move to a forward-facing car seat)
Na fa cu hnulei a hoihmi khamnak ah khuatlawn tikah a him bik. Kum hnih in kum thum an si hlan tiang - a si khawh chung in hnulei a hoihmi ah an tthut awk a si. A nganbik hmetngan rikhiahmi a ngantaak tik lawng ah na fa cu hmailei a hoihmi mawttaw tthutdan
ah aa tthial awk a si.
Australia le New Zealand Tahfung AS/NZS 1754 he aa tlakmi hnulei le hmailei a hoihmi mawttaw tthutdan hna cu a tlangpi in liang sannak hmahthahnak an ngei. Hi hmattthahnak pawl cu na fa kha khamnak ah a him maw himlo asilole a ngantaak maw ngantaak lo
cheknak caah an ttha.
Na fa nih hnulei a hoihmi mawttaw tthutdan a ngantaak tikah, ttuan tuk i hmailei a hoihmi ah tthialnak in a ngandeuhmi hnulei a hoihmi mawttaw tthutdan cawk kha i tim deuh.
| Kum |
Australia upadi pawl |
Thiamsang nih himnak lei duhpiakmi |
| Thla ruk tang. |
Hnulei a hoihmi lawng. |
Hnulei a hoihmi mawttaw tthutdan asilole capsule lawng. |
| Thla ruk in kum li tiang. |
Hnulei a hoihmi asilole hmailei a hoihmi hrennak hri he mawttaw tthutdan. |
A si khawh chung tiangin hnulei a hoihmi mawttaw tthutdan. Khamnak pawl thlen caan i biakhiah tikah a hmetngan hmang, kumkhua si loin. Hnulei a hoihmi mawttaw tthutdan pawl cu ngakchia kum hnih in kum thum ca tiang aa tlakmi ngah khawh
an si. |
Tthawntertu tthutdan ah tthial caan (When to move to a booster seat)
Na fa nih a nganbik hmetngan rikhiahmi a ngantaak hlan tiang hmailei a hoihmi mawttaw tthutdan ah a um awk a si – tthutdan i liang a san hmattthahnak langhter ning in. Zeicatiah hmailei a hoihmi mawttaw tthutdan i a chunglei hrennak hri nih na fa kha
upa tthutdan tawisawm he a tthawntertu tthutdan nakin a huhphenh deuh caah a si.
A tlangpiin Australia ngakchia cu kum riat an si hlan tiang, hmailei a hoihmi mawttaw tthutdan kha an ngantaak lai lo, cu cheukhat ngakchia cu an upa deuh men lai.
Na fa nih hmailei a hoihmi mawttaw tthutdan a ngantaak tikah, tthawntertu tthutdan hmancaan a si cang.
| Kum |
Australia upadi pawl |
Thiamsang nih himnak lei duhpiakmi |
| Kum li in kum sarih tiang. |
Bunhmi hrennak hri asilole tthawntertu tthutdan he hmailei a hoihmi mawttaw tthutdan. |
A si khawh chung tiangin mawttaw chung i bunhmi hrennak hri he hmailei a hoihmi mawttaw tthutdan. Tthawntertu tthutdan thlen caan i biakhiah tikah a hmetngan hmang, kumkhua si loin. |
| Kum sarih le upa deuh. |
Tthawntertu tthutdan asilole upa tthutdan taisawm lawng. |
Ngakchia nih ‘dot 5 hneksaknak’ a awn hlan tthawntertu tthutdan (a tang ah a dikthlir in hmuh khawh a si). |
Upa tthutdan taisawm lawngah tthial caan (When to move to an adult seat belt only)
Hmailei a hoihmi mawttaw tthutdan ah i tthialnak he, na fa nih liang a san hmatthahnak pawl ah a nganbik hmetngan rikhiahnak a ngantaak hlan tiang tthawntertu tthutdan ah a um awk a si. Tthawntertu tthutdan nih upa tthutdan taisawm lawng nak in na fa
kha a runven deuh; pawfah, lu, hngawng le kengruh hliamhma putnak lei ttihnunnak cu tthawntertu tthutdan um dingah aa tlak nain a hmang lomi ngakchia caah a let 3.5 tiang a tam.
Aa dang liangluangmi tthawntertu tthutdan model pawl cu a ngan le a hme ngakchia a phunphun caah aa tlak; na fa caah a sau khawh chungin aa tlak dingmi pakhat thim i zuam. Ngakchia tam deuh cu kum 10 in 12 kar an si tiang an i tlak dingmi tthawntertu
tthutdan pawl ngah khawh an si.
Na fa nih a tthawntertu tthutdan kha a ngantaak cang tiah na ruah tikah, ‘dot 5 hneksaknak’ a awn ahcun upa mawttaw tthutdan lawng ah na tthialter awk a si.
‘Dot 5 hneksaknak’ ('5 step test')
‘Dot 5 hneksaknak’ nih na fa kha upa tthutdan taisawm lawng hman dingah a zat le zat lo chek dingah a bawmh lai. Tuah dingmi pawl cu:
- Ngakchia cu a keng lei in mawttaw tthutdan hngauh in a tthu kho maw?
- Ngakchia i a khuk cu tthutdan a ki ah a ngawiter maw?
- Tthutdan taisawm tthutnak nih ngakchia i a liang i a laifang (a hngawng asilole an ban kiangkap ah si lo in) a pal maw?
- Tthutdan taisawm tthutnak a tanglei nih ngakchia i a tai kha a pal maw, a tai kha a tong maw?
- Ngakchia cu khualtlawnnak dihlak ah hi bantuk in him tein a tthu kho lai maw?
Na fa caah tthawntertu tthutdan tel loin khualtlawn a him hlan ah dot nga vialte a phi cu ‘a si’ timi a si awk a si.
A tlang piin, Australia ngakchia pawl cu kum 10 asilole kum 11 an si hlan ngakchia a tam-u nih mawttaw ‘dot 5 hneksaknak’ awn dingah zalak in an ngan lo.
I chinchiah: na fa nih dot 5 hneksaknak’ a awn le awnlo cu a hmetngan le a khualtlawnnak mawttaw cungah aa hngat. Tahchunhnak ah, mawttaw cheukhat cu hnulei tthutnak hmun kaupi an ngei. Na fa kha khual a tlawn hlanah mawttaw kip ah hneksaknak tuah.
A hmailei tthutdan ah tthial caan (When to move to the front seat)
Na fa cu kum 13 cung an tlin hlan tiang hnulei tthutdan ah a tthu awk a si. Zeicatiah kum 12 le a tang ngakchia pawl caah hliamhma putnak lei ttihnunnak cu a hmailei tthutdan cu a hnulei tthutdan he epchunh tikah a let hnih dengmang a si.
Mawttaw tthutdan bunhnak (Installing a car seat)
Mawttaw tthutdan le tthawntertu tthutdan pawl a dik ningin bunh tik lawngah na fa kha a runven. RCH nih mawttaw khamnak vialte cu a humhimmi fehter dingah thiamsang remhtertu nih chek dingin fak piin a duhpiak.
Mawttaw tthutdan himnak caah a biapi tuah dingmi pawl (Important tips for car seat safety)
- Australia le New Zealand Tahfung AS/NZS 1754 he aa keihmi mawttaw tthutdan caw asilole hlang. Hi tahfung a tlinh lomi ramdang model asilole khamnak hma cu phung ning lo a si.
- Na fa a hmetngan ning he khamnak aa tlak hrimhrim dingah mawttaw tthutdan sertu lamhmuhsaknak pawl le liang hmahthahnak pawl kha zul zungzal.
- Na fa he khua na tlawn fatin hmailei a hoihmi mawttaw tthutdan hri pawl kha hreng.
- Na fa i a mawttaw tthutdan le tthawntertu tthutdan kha chek lengmang law, a tthang bantukin remhpiak.
- Na fa kha a hmetngan hoih in aa tlakmi mawttaw khamnak hmang law ttha tein temchih lengmang – lamcaan tawite tlawnnak a si ko zongah.
Mawttaw tthutdan le tthawntertu tthutdan pawl kong ah biahal bikmi pawl (Common questions about car and booster seats)
Ka fa cu mawttaw chungah hmailei a hoihmi tthutdan ah a siarem deuh; hnulei a hoihmi in hmailei a hoihmi ah ka tthial kho maw? (My child is more comfortable facing forward in the car; can I move them from rearward to forward-facing?)
Mawttaw tthutdan pawl cu mawttaw i pahnak i himnak caah an si i thihnak le a fakmi hliamhma putnak hrial ding ah a si – siaremnak caah a si lo. Ngakchia no hnulei a hoihmi in hmailei a hoihmi ah i tthial dingin aruang pakhat lawng a ummi cu hnulei
a hoihmi mawttaw tthutdan ah aa tlum ti lo ca lawng ah a si.
Mawttaw tthutdan pawl cu adonghnak khiahmi nithla an phan cang maw? (Do car seats expire?)
KidSafe, Australia i Ngakchia Khondennak Runvennak Ahrampi, nih mawttaw tthutdan pawl cu sehzung in an chuahni thawk in kum 10 nak tlawmdeuh chung hman dingah a duhpiak
hna. Mawttaw tthutdan thilri pawl cu caan sin ah an rawk, dirthohnak le runvennak tlawm deuh an pek. A cheumi, a kakmi, a rawhnak a langmi, asilole aa phoih pahmi le a cat hnikmi hri pawl a ummi mawttaw tthutdan hmang hlah. Mawttaw tthutdan
kha i pahnak ah a rak i tel bal cangmi a si ahcun, a rawk lomi a lawh ko zong ah na hman tthan awk a si ti lo. Hihi cu achung ah a kiak kho. Cheukhat kompani pawl nih a rawkmi tthutdan kha a thar he an i thleng lai.
Tthawntertu tthutdan si loin tthawntertu cushion (a nemmi chiahmi) ka hmang kho maw? (Can I use a booster cushion instead of a booster seat?)
Tthawntertu cushion pawl cu tthawntertu tthutdan pawl ha aa dang aruang cu akeng lei asilole lu dirhthohnak an ngei lo i mawttaw ah na hreng kho lai lo. Tthawntertu tthutdan pawl bantuk si loin, tthawntertu cushion pawl nih mawttaw i pahnak ah
na fa i a sirlei asilole alu kha an kham lai lo. Tthawntertu cushions cu duhpiak an si lo Australia ah phung ning tein hman khawh a si lo.
Ka fa nih atu lio i khamnak kha a ngantaak ahcun zeitindah a si lai? (What if my child has outgrown the restraint they are currently in?)
Na fa nih a mawttaw tthutdan asilole tthawntertu tthutdan a ngantaak tikah, adang khamnak phun ah i tthialnak kha a himmi a si tinak a si lem lo. Annih nih cun aa khatmi khamnak a ngan deuhmi an herh men lai. Tahchunhnak ah, na fa cu thla ruk
a si i a hnulei a hoihmi bawhte capsule a ngandeuh ahcun, hmailei a hoihmi ah ttuan tuk in tthial nakin hnulei a hoihmi mawttaw tthutdan ngan deuh cawk cu a him deuh.
Zeitindah ka mawttaw tthutdan nih Australia himnak lei tahfung pawl a tlinh tiah ka hngalh lai? (How do I know if my car seat meets Australian safety standards?)
Australia ram ah zuarmi mawttaw tthutdan vialte cu Australia le New Zealand Tahfung AS/NZS 1754 he aa tlakmi an si lai i, an tomnak cung le amah tthutdan cungah fiang tein an ttial lai. Na mawttaw tthutdan nih hi cattialmi a ngeih ahcun, a tlawmbik
himnak lei a herhmi pawl a tlinh i hman awk ah a him. Himnak tahfung dang, aman a fakmi thilri phunphun asilole a hleiin a thami phun hna kha naa bochan a hau lo. Mawttaw tthutdan pawl asilole tthawntertu tthutdan pawl ramdang i cawkmi pawl
nih Australia himnak lei tahfung an tlinh lo kho men.
Ka fa nih tthawntertu tthutdan a hmang duh lo, asinain a hmetngan lei duhpiakmi caah aa tlakmi a si rih. Zeidah ka tuah a hau? (My child does not want to use a booster seat, but they still fit the size recommendation. What should I do?)
‘Dot 5 hneksaknak’ i biahalnak panga dihlak i aphi cu ‘a si’ a si hrimhrim lai, na fa caah tthutdan taisawm he upa tthutdan lei ah i tthial dingin a him hlan ah. Na fa i a hawikom pawl nih amah hip kha a phung a si ko nain, a himnak caah ttuanvo
na ngei. Zeiruang dah tthawntertu tthutdan ah a tthut a herh timi kong na fa he biaruah dingah caan la. Siaremnak nakin himnak kha papek i zuam deuh zungzal.
Tthawntertu tthutdan bunhmi kha ka mawttaw chungah ka hmang kho maw, asilole a dang tein tthawntertu tthutdan cawk dingah a him deuh maw? (Can I use the booster seat built into my car, or is it safer to buy a separate booster seat?)
Victoria upadi pawl nih kum li asilole upa deuh ngakchia pawl kha bunhmi tthawnterhtu tthutdan pawl hman dingah a onh hna. Bunhmi tthawntertu tthutdan pawl cu siarem ngei a si kho men aruang cu nangmah nih na bunh ahau lai lo, adang tthawntertu
tthutdan tluk in na fa i a keng asilole a lu kha an kham lo kho men. Bunhmi tthawntertu tthutdan pawl caah nan umnak ramkulh i mawttaw tthutdan himnak lei upadi pawl caah pehtlaihnak a ngeimi upadi sertu bu pawl kha hal hna.
Ka fa nih taxi asilole Uber tibantuk i cittimi rianttuanpaknak ah mawttaw tthutdan a herh maw? (Does my baby need a car seat in a taxi or rideshare service like Uber?)
Victoria ah, taxi mawngtu pawl cu aa citmi pawl caah mawttaw tthutdan asilole tthawntertu tthutdan pawl pek dingin upadi nih a tuahter hna lo. Na fa cu kum khat tang a si ahcun, taxi i a hnulei tthutdan cungah tthu in khual a tlawng hrimhrim lai
i upa pakhat nih a tlaih hrimhrim asinain an taisawm cu an i hrawm lai lo. Na fa cu kum khat leng a si cang ahcun, taxi chungah mawttaw khamnak a um lo ahcun adang in tthutdan taisawm he anmah pumpak tthutdan in khual an tlawng hrimhrim lai.
Victoria taxi pawlnih khualtlawngmi hna nih an i thim ahcun anmah pumpak ngakchia mawttaw khamnak pawl hman ding ah phungning tein
aa tlakmi thirhri chiahnak an herh.
Uber tibantuk i citti mi rianttuanpiaknak pawl caah phungphai pawl aa dang. I cittimi mawttaw pawl nih pumpak mawttaw pawl caah tahfung Victoria lam lei phungphai pawl an zulh a hau. Hihi a sullam cu na fa cu kum sarih an tlin hlan tiang phungning
tein a zulmi mawttaw ah asilole i cit ttimi mawttaw chung i tthawntertu tthutdan ah a um hrimhrim lai tinak a si.
Victoria i aleng ah na um ahcun, khualtlawn hlan ah na umnak ramkulh i upadi pawl kha chek hrimhrim.
Mawttaw in khuatlawng tik paoh ah aa tlakmi khenkhammi ah na fa chiah kha a himbik peng. Hihi a sullam cu nanmah mawttaw tthutdan i ken i adang mawttaw ah bunh ning hngalh kha a si kho men.
Thawngthanhmi tam deuh hmuhnak caah (For more information)
Royal Ngakchia i Thinlung hma thlopnak phutthen nih a tuahmi a si. RCH a hmangtu pawl le zohkhenhtu pawl i ruahnak cheuhmi kha kan cohlan.
Vaute (March) 2025 ah Zohtthanmi
Zaangfahnak in minkhumhnak a ngeimi le thloptu siibawi sinin a hnubik ruahnak cheuhmi kha hal zungzal.