گیسٹرو کے بارے میں عام سوالات
Common questions about gastro
میں پریشان ہوں کہ میں جو پینے کی چیزیں اپنے بچے کو دے رہا/رہی ہوں، ان سے اس کے دست اور خراب ہو رہے ہیں۔ کیا میں بچے کو پینے کی چیزیں کم دوں؟
I am worried the fluids I am giving my child are making their diarrhoea worse. Should I give them less to drink
چاہے لگتا ہو کہ بچے کو کچھ پینے پر ساتھ ہی الٹی آ جاتی ہے پھر بھی بچہ اس میں سے بہت سا مائع جذب کر لے گا۔ بچے کو پینے کے لیے کم از اتنی چیزیں دینا اہم ہے جتنا پانی اس کے جسم سے الٹیوں اور دستوں میں نکل رہا ہے۔
کیا مجھے اس پر فکر کرنی چاہیے کہ گیسٹرو کے دوران میرا بچہ کچھ کھانا نہیں چاہتا؟
Should I be worried that my child does not want to eat when they have gastro
گیسٹرو کے شروع میں ممکن ہے کہ بچہ کھانے سے انکار کرے۔ اگر بچہ کافی مقدار میں پینے کی چیزیں لے رہا ہو تو یہ کوئی مسئلہ نہیں ہے۔ جب بچے کا دوبارہ کھانے کو جی چاہے تو اسے کھلائیں؛ یہ عام طور پر الٹیاں رکنے اور متلی دور ہو جانے کے بعد ہوتا ہے۔
کیا گیسٹرو کے دور کے بعد ہم بچے کو دودھ اور دودھ کی مصنوعات دے سکتے ہیں؟
Can my child have dairy after a bout of gastro
زیادہ تر بچوں کو گیسٹرو کے بعد دودھ اور دودھ کی مصنوعات کو ہضم کرنے میں کوئی مسئلہ نہیں ہوتا۔ کچھ بچے وقتی طور پر دودھ کی قدرتی شکر (لییکٹوز) کو ہضم کرنے کے قابل نہیں ہوتے۔ اس سے پیٹ میں زیادہ ہوا بنتی ہے اور تیزابی دست لگ جاتے ہیں۔ اگر آپ اپنے بچے کے
دودھ استعمال کرنے پر کوئی علامات دیکھیں تو آپ گیسٹرو کے بعد تقریباً تین ہفتوں کے لیے اسے دودھ اور دودھ کی مصنوعات دینا کم کر سکتے ہیں۔
جب بچے کو گیسٹرو ہو تو مجھے اسے کیا کھلانا چاہیے؟
What should I feed my child when they have gastro
گیسٹرو کے دوران یا اس کے بعد بچوں کی خوراک کے لیے کوئی خاص پابندیاں نہیں ہیں۔ بہتر ہے کہ آپ اپنے بچے کی بھوک کے مطابق اسے کھلائیں۔ بعض اوقات چکنائی یا دودھ والی چیزوں کو بچہ دوسری چیزوں کے برابر ہضم نہیں کر پاتا لیکن آپ کو یہ چیزیں آزمانے پر ہی پتہ چلے
گا۔ آنتوں میں کھانا پہنچے تو آنتیں جلد ٹھیک ہو جاتی ہیں۔
گیسٹرو کے بعد میرا بچہ چائلڈ کیئر یا سکول میں کب واپس جا سکتا ہے؟
When can my child go back to school or childcare after gastro
جب بچے کی طبیعت بہتر ہو جائے اور اسے پچھلے 48 گھنٹوں میں دست یا الٹی نہ آئی ہو تو وہ سکول یا چائلڈ کیئر جا سکتا ہے۔ تاہم صحت یاب ہونے کے بعد اسے دو ہفتوں تک دوبارہ سوئمنگ نہیں شروع کرنی چاہیے تاکہ بیماری کے پھیلاؤ کو روکنے میں مدد مل سکے۔
میرے بچے کے پاخانے میں خون ہے۔ کیا مجھے فکر کرنی چاہیے؟
There is blood in my child’s poo. Should I be worried
گیسٹرو کے ساتھ پاخانے میں خون آنا عام ہے۔ اگرچہ یہ دیکھنے میں ڈراؤنا لگتا ہے، یہ بالعموم پریشانی کی بات نہیں ہوتی۔ شاید آپ بچے کے ڈاکٹر سے فوڈ پوائزننگ پیدا کرنے والے جراثیم کا پتہ چلانے کے لیے پاخانے کے ٹیسٹ کے متعلق بات کرنا چاہیں۔ اس کا مقصد صحت عامہ
کے مقاصد سے فوڈ پوائزننگ کے پھیلنے کا پتہ لگانا ہے۔
ڈاکٹر کا خیال ہے کہ میرے بچے کو بیکٹیریل گیسٹرو ہے۔ کیا ہمیں اینٹی بائیوٹکس کی ضرورت ہے؟
A doctor thinks my child has bacterial gastro. Do we need antibiotics
اگرچہ بیکٹیریا کبھی کبھار گیسٹرو کا باعث بنتے ہیں، ڈاکٹر شاذ و نادر ہی اس کا علاج اینٹی بائیوٹکس سے کرنے کا مشورہ دیتے ہیں۔ زیادہ تر بچے خود ہی بہتر ہو جائیں گے، اور اینٹی بائیوٹکس شدید پیچیدگیاں پیدا کر سکتی ہیں جیسے الرجی یا اینٹی بائیوٹکس سے وابستہ
دست۔
گیسٹرو کے بعد کب تک دست چلتے رہنا نارمل ہے؟
How long is it normal for diarrhoea to last after gastro
14 دن دست چلتے رہنے کے بعد بہتر ہے کہ آپ اپنے بچے کی حالت کے بارے میں ڈاکٹر سے بات کریں۔ پاخانے کے نمونے کا تجزیہ کروانا اچھا ہو سکتا ہے تاکہ کوئی غیر معمولی جراثیم موجود ہونے کی صورت میں پتہ چل جائے۔
کیا آپ کو میرے بچے کا پاخانہ ٹیسٹ کرنے کی ضرورت ہے؟
Do you need to test my child’s poo
عام طور پر بچوں کے گیسٹرو میں پاخانے کا ٹیسٹ کرنا ضروری نہیں ہوتا۔ تقریباً تمام گیسٹرو کا علاج ایک ہی طرح کیا جاتا ہے اس لیے وجہ جاننے سے علاج میں کوئی تبدیلی نہیں آئے گی۔ زیادہ تر کیسوں میں، پاخانے کا ٹیسٹ صرف تب کیا جاتا ہے جب اس میں خون ہو یا دست 14
دنوں سے زیادہ چلتے رہیں۔
میرے بچے کو آسٹریلیا سے باہر ہوتے ہوئے گیسٹرو ہوا تھا۔ مجھے کیا کرنا چاہیے؟
My child caught gastro while overseas. What do I do
اگر آپ کے بچے کو آسٹریلیا سے باہر گیسٹرو ہوا تھا تو ڈاکٹر سے بات کریں۔ سفر کے دوران بیمار ہونے والے بچوں کی دیکھ بھال اور ٹیسٹنگ دوسرے بچوں سے کچھ مختلف ہوتی ہے۔