Hnatlakpinak: na fa nih thlopnak hmuh dingah nawl peknak (Consent: giving permission for your child to have treatment)
Royal Ngakchia Siizung (Royal Children’s Hospital (RCH)) ah, na fa caah tha tein hngalhmi biakhiahnak tuah dingah na herhmi kong dihlak na hmuh ding kha kan duh. A tang i langhtermi konglam nih hnatlakpinak le RCH ah mizaw thlopnak caah hnatlaknak kan kawl ningcang kha a fianter.
Healthcare ah hnatlakpinak cu zeidah a si? (What is consent in healthcare?)
Hnatlakpinak cu healthcare thlopnak, hlainak, ruahnak cheuhnak asilole adang a karlak ah i thlakin riantuanpiaknak ah hnatlak dingin biakhiahnak a si.
Hnatlakpinak pek hlan ah zeidah ka tuaktaan a herh? (What should I consider before giving consent?)
Na fa thlopnak ca i hnatlakpinak na tuah tikah, biahalnak pawl tuah ding le lungretheihmi pakhat khat na ngeih khawh menmi ceihmai dingah caantha sunglawi pek na simi tuahto ning cungah aa hngat a hau.
Choosing Wisely Australia nih hnatlakpinak tuah hlan ah na healthcare petu hal na duh khawh menmi biahalnak panga cazin ah a pek cang.
Cheknak, thlopnak asilole hlainak pakhat khat tuah hlan ah na siibawi asilole adang ngandamnak lei zohkhenhtu hal dingmi biahalnak 5 (Five questions to ask your doctor or other health care provider before you get any test, treatment or procedure)
1 Hi cheknak asilole hlainak hi ka herh taktak maw? (1. Do I really need this test or procedure?)
Cheknak pawl nih nangmah le na siibawi asilole adang ngandamnak lei zohkhenhtu kha zawtnak lei biakhiahnak a bawmh khawh men. Hlainak pawl nih thlopnak a bawmh khawh men.
2 Zeidah tihnunnak pawl an si? (2. What are the risks?)
Takpum ah iziak lonak lei hnorsuannak pawl a um lai maw? A dik lomi aphi pawl ngahnak ding lam pawl zeidah an si? Mah nih cun tamdeuh cheknak asilole adang hlainak a chuahpi kho lai maw?
3 A fawi deuhmi, a him deuhmi thim khawhmi an um maw? (3. Are there simpler, safer options?)
A caancaan ahcun tuah na herhmi cu nunning thlen a si, a ngandam deuhmi rawl pawl einak asilole eksisai tamdeuh in tuahnak tibantuk.
4 Pakhat khat tuah lo in ka um ahcun zeidah a cang lai? (4. What happens if I don’t do anything?)
Na zawtnak kha a zual deuh lai maw- asilole- a tha deuh lai maw timi kha hal - cheknak asilole hlainak tuah colh na si lo ahcun hal.
5 Aman zeizat dah a si lai? (5. What are the costs?)
Aman pawl cu tangka lei, thinlung umtuning lei asilole na caan i aman kha a si kho. Mibu sin i aman pek ding a umnak hmun ah, aman cu a za maw asilole a fawi deuhmi thim khawhmi a um maw?
Hnatlakpinak pek dingah aho nih dah a ka fial lai? (Who will ask me to give consent?)
Thilsining a tam-u ah, healthcare petu thlopnak an pemi kha na hnatlakpinak an halmi minung a si lai. Anmah cu aa tlakmi thiamnak a ngeimi, thlopnak lei ah a zami theihhngalhnak a ngeimi le tihnunnak, amiak le adang pakhat khat aa fiangmi an si. Siibawi nih na hnatlakpinak an hal lengmang lai, asinain adang kan riantuantu cheukhat zong nih hnatlakpinak an in hal khawh.
Ka hnatlakpinak cu zeitindah ka pek khawh lai? (How can I give my consent?)
Hnatlakpinak cu a tang i langhtermi ning in pek khawh a si lai i thlopnak asilole cheknak cungah aa hngat lai:
- Holh telh lo in – tahchunhnak ah, na fa i ban kha tlaih in siisayama nih a thikainak kha a thing khawh.
- Hoh in – thlopnak ngeih dingah na fa caah nawlpeknak na tuahmi chimnak in.
- Catialmi in - thlopnak ngeih dingah na fa caah nawlpeknak kha hnatlakpinak fawm ah minthutnak in.
Mirangholh cu ka duhdeuh mi holh a si lo ahcun zeidah a cang lai? (What if English isn’t my preferred language?)
Hnatlakpinak tuahto ning na lungfiannak dingah holhlettu kan tawlrel khawh ko. RCH hnatlakpinak fawm nih a tang i langhtermi holh pawl in leh cangmi a ngei: Turkish, Arabic, Taluk holh (Hlanlio deuh holh), Dinka, Somali le Vietnam holh.
Nangmah he hnatlakpinak lei ceihmainak a kai dingmi bawmtu minung ngeih dingah naa thim kho fawn.
Hnatlakpinak pek dingah zeitikdah fial ka si lai? (When will I be asked to give consent?)
Catialmi in hnatlakpinak cu duhpiakmi thlopnak a buaibai tikah a herhmi a si i, cu ah cun tih a nung bakmi asilole thi ronh a herhmi aa tel kho men. Catialmi in hnatlakpinak cu na fa hngilhter (hit sii chunh) a herhmi hlainak caah a herh peng.
Hnatlakpinak cu a fiangbakmi hlainak he aa pehtlaihnak hmun ah, caan suaisamhpiakmi hlainak tuah hlan ah catialmi in hnatlakpinak cu seekhan i luhpi hlan asilole aleng mizaw zohfelnak lei piahnak ah hmuh khawh a si men lai. Seekhan luh ni ah, hlainak tuah dingin na lungtlinnak kha fehternak kan tuah lai.
Poipang thilcangmi ah zeitindah a si lai? (What happens in an emergency?)
Poipang thilcangmi ah, healthcare petu nih mizaw i nunnak, takpum asilole thinlung damnak kha a fakmi le a cang khomi thihpheihnak kham dingah thlopnak cu a herh ko tiah tuaktaan bu in le lungthiang te in a zumh ahcun, hnatlakpinak lak loin aa tlakmi hlainak he phung ningin tuah thluahmah khawh a si ko.
Hnatlakpinak cu aho nih dah a tuah khawh? (Who can give consent?)
Thilsining a tam-u ahcun hnatlakpinak tuah dingah halmi cu hringtu nulepa asilole phungningin zohkhenhtu (upadi lei in covo pawl, tuanvo pawl, tavuan pawl, ngakchia caah biakhiahnak tuah dingah nawl a ngeimi minung) a si. Ngakchia pawl nih thil zeimawzat ah hnatlakpinak an tuah khawh thiamthiam ifian kha a biapi, asinain tuah dingah an sikhawhnak cu an kum le thlopnak ngah dingah biakhiahnak a tuah khomi a si maw silo cungah aa hngat. Na healthcare petu nih na fa nih hnatlakpinak a tuah khawhmi zeimawzat caah lamhmuhsaknak an pek khawh.
Cawmkennak lei zohkhenhtu pawl nih phung ningin hringtu nulepa tuanvo kha an la tawn lo, cucaah Ngakchia Runvennak Nawlchuahmi ningin ngakchia caah hnatlakpinak a pe khomi minung fehter dingah Ngakchia Runvennak kha pehtlaih ding a si.
Duhpiakmi thlopnak kha ka lungtlinlo ahcun zeidah a cang lai? (What if I do not agree with the proposed treatment?)
Duhpiakmi thlopnak kha mizaw pawl/innchungkhar pawl nih an lungtlinglonak dirhmun ah, le lungtlinlonak a sullam cu ngakchia sin ah tihnung bakmi a um kho tinak a si i, healthcare petu nih mizaw i a thabikmi thatnak caah upadi lei ruahnak cheuhmi a kawl khawh men.
Ka thinlung aa thlen ahcun zeidah a cang lai? (What happens if I change my mind?)
Hnatlakpinak tuah hnu zeitikcaan paoh ah na thinlung naa thlen khawh. Na thinlung naa thlen ahcun, ca in tialmi hnatlakpinak na lak khawhnak kha rikawt tuah dingah fial na si men lai.
Ka covo pawl zeidah an si? (What are my rights?)
Sii lei thlopnak i tihnunnak le hloknak pawl kha tling tein thawngthanhmi sinak nawl na ngei. Biakhiahnak tuah dingah na herhmi kong dihlak hmuhnak nawl na ngei i biahalnak tuahnak nawl le lungtling a simi aphi pawl hmuhnak nawl zong na ngei fawn.
Nangmah sinah kan biakamnak (Our commitment to you)
RCH ah, na fa ai-awh ah biakhiahnak pakhat khat na tuahmi kongah siarem tein um kha kan in duhpiak. Biahal awk pakhat khat na ngeih ahcun, zaangfahnak in na hnatlakpinak hal dingin healthcare petu kha hal. Naa fian lo ahcun fianternak tuah piak than dingin hal asilole na herh ahcun voi tamdeuh hal kha a ngah pengmi a si.
A tang i langhtermi link pawl ah hin sii lei hnatlakpinak kong thawngthanh chapmi cu hmuh khawh a si:
Last updated May 2023