Wëëi thïn (wëëi thïn aliir) yenëke kueer piath bennë wɛl juëc ke tuany ë Asthma lɔ̈ɔ̈m thïn. Gɛ̈më meth wɛ̈ɛ̈ldeen ë asthma në dhöl de adin ë wëëi (puffer) ku adin ë spacer ee kïït ye tuany ë asthma nyuɔɔth ŋiɛ̈c dhuɔ̈k nhïïm piny cï mɛn de nebulisers, mɛn ke makäna yenëke luui ë keek në nyindhiɛ panakïm ka në riän/thurumbil de kɔc tuany yiic agonë wɛɛl ke tuany ë asthma lɛɛr/ɣäth.
Athiekic ba kee käkë ya muk në yïnhom të luui yïn në adin ë wëëi (puffer) ku adin ë spacer:
- Luɔɔi adin ë wëëi (puffer) ku adin ë spacer nëtök yenëka ŋuän awär luɔɔi adin ë wëëi (puffer) yetök në kë yennë wɛl juëc käkë ɣet në lɔ̈m yiic të kɔɔrë/wïcë yen thïn.
- Ciin ë wëëi thïn (puffs) cï gam panakïm ee dɔc tɔ̈ ë nyindhie ke gäk awär të yennë yen luɔɔi thïn baai.
- Yïn ku mɛnhdu we kɔɔr/wïc bäkkë ŋic ëtë yennë adin ë wëëi (puffer) ku adin ë spacer ŋiɛ̈c luɔɔi thïn apiath ago wal ŋiɛ̈c lui. Them ba tɔ̈ ke yï cï nyuɔ̈th të yennë yen adin ë spacer luɔɔi thïn ku ba tɔ̈ ke yï rɔt piööc apieth në luɔɔide ku ba kɔn deetic ke kɛ̈n guɔ kɔɔr/wïc.
- Yïn ku mɛnhdu we kɔɔr/wïc bäkkë ŋic ëtë adin ë spacer ŋiɛ̈c muɔ̈k thïn.
Adin ë Spacers aa yenëke luui në keek ëke koth keek yiic, ka alɛ̈th ye kuɔ̈m në kɔc thok/wum (facemasks) tënë mïthŋuän ku mïthkor apɛi.
Luɔɔi ë spacer (Using a spacer)
- Tääuë adin ë Spacer nëtök kennë wël cï luel wën ye bɛ̈n kennë yen. Akïmwal (pharmacist) alëu bï yïn ya kony në yekënnë yic të kɔɔr/wïc yïn en, ku në takatïïk cï keek gɔ̈ɔ̈r piny ëtënnë.
- Nyaaië kuɔ̈ɔ̈m/thoŋ adin ë wëëi (puffer).
- Yääkë adin ë wëëi (puffer) yic apieth ku ba ya thany nhom piny në thɛɛr likiic agut cï bï këthiin cït ayɔ̈k kɔn bɛ̈n bei thïn.
- Tääuë adin ë wëëi (puffer) apiath në thök adin ë spacer.
- Tënë mïthkor, tääuë alanh ë kum ë mɛnhdu thok/wum, looi bï ye thok ku wum kuɔ̈m piny. Them ba kuɔ̈ɔ̈m piath guik alɔŋë dɛ̈l ago ciɛ̈n aliir bï ya lɔ thïn.
KA, tënë mïthŋuän:
Na ye mɛnhdu luui në adin ë spacer ke cïn alanh cië kuɔ̈m në ye thok, ke alëu bï thoŋë spacer ya tääu në ye thok ku tɛ̈ɛ̈u në kaam de leecke, ku mɛɛt ye thok në thoŋ de spacer yic. Looi thoŋde ago thoŋ de ye kë cï tääu në yethok kënnë kum ëbën ago ciɛ̈n kaam ɣɔ̈ɔ̈ric.
- Thiëc mɛnhdu ago nyuc ke lɔ cök ku bï wëëi aɣer amääth. Muk adin ë spacer ku adin ë wëëi (puffer) apiath ago cië röŋic ku bï tiɛɛr thok piny.
- Tuany puffer në door tök ago wäl päl luɔny në adin ë spacer yic. Duɔ̈nnë adin ë wëëi (puffer) nyiɛi thïn.
- Pɛ̈l mɛnhdu bï wëëi thïn ku biyic/aɣeer në dooriic kaaŋuan. Kënnë ee ye dac lueel ke yï bï adin ë spacer nyääŋ ë nyindeyic në akuën ke mocmooc/thɛ̈kɛ̈ɛ̈n kaa 15-20. Duk alanh ye kuɔ̈m thok ye nyaai në kaam cen wëëi yic - anɔŋ kuer - kaarou ke aguiɛr ye guɔ̈ɔ̈t ë wäl gël ago cië jɛ̈l në këdäŋic. Valve kënnë alëu bï röl latob ya looi në wëëi yic ëbën.
Na kɔɔr/wïc wëëi (puffs), ke yï yääkë adin ë wëëi (puffer) në door dɛ̈t peei ku beer akääth/kueer ë 4 aɣet 7 looi. Yïn lëu ba adin ë wëëi (puffer) yääk në kaam ŋot yen ke cï nuat në adin ë spacer thok.
Mïth juëc naŋ ruun ka 5 ku mïthkor abï kör/wïc ë wëëi (puffs) ë Ventolin karou aɣet cï dhetem ayï kaam, ku mïth juëc naŋ run kadhetem ku lanhial aye lööm puffs ë Ventolin ka 12 në kaam.
Ŋiɛ̈c muk ye spacer du (Caring for your spacer)
Spacers aalëu bï keek ya wec kɔ̈ɔ̈th në door/arakic tök në wikic.
Liep spacer yic ku lɔɔk yen në pïu tuc nɔŋic wɛ̈ɛ̈l ë wɛ̈k/lɔ̈k aduuk ka thabun thiin kor.
Duɔ̈nnë spacer ye lɔɔk. Athiekic ba acuɔl athabun (residual soap) nyäŋ alɔŋthïn ë spacer yic, ago karaba de static electricity looi bï kur në spacer yic. Static electricity aaye wääl gël bï cath në pääny ë spacer kɔ̈ɔ̈u, tɛ̈ lɔn ë leer yen yɔ̈kyɔ̈k ee mɛnhdu yiic.
Päl spacer bï thiaaŋ aɣer. Duɔ̈nnëspacer ye wuny/wec në madïl ë cäi ka wereŋ muɔlic– yen alëu bï thiäŋ ë yom. Kënnë alëu bï ya looi wakɔ̈u.
Dhuɔ̈kë/tääuë spacer në këde yic.
Duɔ̈nnë guɔ̈ɔ̈të raandɛ̈t peei päl bï luui në spacer de mɛnhdu yic.
Wënë tɛ̈u yï spacers kedäŋ yiic wën naŋ valves nyai (cïmɛn Breath-A-Tech), ke looi ba nyïn kaŋuan lathïn valve fit nhial nyiɛnde yiic. Valves kɔ̈k aalëu bï keek ya ɣɔɔc në dukɛ̈ɛ̈n ke wal thiɔ̈k kennë week yiic.
Spacers alëu bï waar në ruɔ̈ɔ̈n thok ëbën. Akïmdun wɛɛl alëu bi yïn kony ke thiëcthiëc alɔŋ luɔi piath ku ŋiɛ̈c muk tënë spacer du.
Wël tueeŋ thiekiic wïc ba keek muk në yï nhom (Key points to remember)
Yïn ku mɛnhdu akɔɔr/awïc ba ŋic ëtë yennë puffer ku spacer luɔɔi thïn apiath ago wäl ŋiɛ̈c luui apieth.
Yïn ku mɛnhdu we kɔɔr/wïc bäkkë ŋic ëtë adin ë spacer ŋiɛ̈c muɔ̈k thïn.
Spacers aalëu bï keek ya wec kɔ̈ɔ̈th në door/arakic tök në wikic. Spacers acië lëu bï kɔ̈ɔ̈r ka bï keek ya wuny/wec kɔ̈ɔ̈th.
Duɔ̈nnë guɔ̈ɔ̈të raandɛ̈t peei päl bï luui në spacer de mɛnhdu yic.
Na kɔɔr/gör thön/wël juëc kɔ̈k (For more information)
Athöör nɔŋic thön/wël yith ke Pial tënnë Mïth: Asthma
Asthma
Athöör nɔŋic thön/wël yith ke Pial tënnë Mïth: Asthma -videos
Asthma - videos
Akut de National Asthma Council Australia
Akut de Asthma Australia
Acë looi ye akutnhïm Royal Children's Hospital Emergency, Neurosurgery ku Neuropsychology. Ɣok ŋic wël ye keek tääu/juak thïn në kɔc ye lööm në luɔɔi akut de RCH ku kɔc muɔ̈k.
Acï bɛɛr tïŋ/caar në Bildït 2023.
Yïn limku ba ya guik/wïc ë kuɔny lɔŋë wëët ciëën wään tënë akïïm cennëke rinken gätpiny agokë luɔɔi looi.
Thön pial wëi tënnë mïth aye kuɔny në Royal Children’s Hospital Foundation. Ago juiɛ̈r, nem
www.rchfoundation.org.au.
Wël ke lëk
Thön/wël käkë aacï keek juiir/looi ëke bï naŋ kuɔny bïkkë ya gäm kɔc, ku acïï bï ya waaric, jam kennë akïmdu ka dupiöc ke pial ë wëi. Kɔc ëke gät wël/thön ke pial ë wëi aacï luui apɛi agokë wël käkë cɔk tɔ̈ ëke lɔcök, yekkë wël ke yemɛɛn ku piɔlkë yiic bï keek lac ya deetic. Panakïm ë Royal Children's Hospital Melbourne acïï rɔt bï ya gäm mukthuul në kä cïï lɔcök lëu bïkkë bɛ̈n bei thïn ëtënnë, wël/thön cï lööm ëke mär kɔc, ka luɔi ë yilac piath cï ŋiɛ̈c gɔ̈ɔ̈r në athöör kënnë yic. Wël/thön cï keek gɔ̈ɔ̈r në ye athöör kënnë yic aye keek bɛɛr cɔ̈kpiny në nyindhiɛ ku akɔɔr ba ya tïŋ në nyindhiɛ lɔn yen athöör cï piac bɛ̈ibei. Ke onus ee alɔŋ yïn, alui, ba nyuɔth lɔn yïn anɔŋ mitbei kë-tënë-gäät athör aköl ë raan thön pialwëi athör.